Sunday 22 December 2013 - 6 comments

പേരില്ലാ കവിത ( ? )

കാലത്തെ വലം വെക്കാന്‍ മോഹിച്ചു 
ഞാനൊരു ഘടികാര സൂചിയായി
മുന്നോട്ടു നീങ്ങി..പിന്നോട്ട് നീങ്ങി..
ചുറ്റിത്തിരിഞ്ഞു വന്നെത്തി
വൃത്തത്തിന്നകത്ത് പിന്നെയും..
തേടി ഞാന്‍ വീണ്ടുമാ വൃത്തത്തിനുള്ളില്‍
 അളവ് സൂചിപ്പിക്കും മധ്യബിന്ദു.
ആരവും....വ്യാസവും..വിസ്തീര്‍ണവും..
കണ്ടു ഞെട്ടി ഞാന്‍


ആകെ തുക വെറും പൂജ്യം മാത്രം.
Sunday 8 December 2013 - 4 comments

ഒരു ചോദ്യം.

അല്ലയോ സുഹൃത്തെ..
നമ്മള്‍ വഴി പിരിഞ്ഞതെന്ന്?
ചൂള മരങ്ങള്‍ക്കിടയിലെ
തണുത്ത കാറ്റും..
വിങ്ങുന്ന മനസ്സിലെ
ഒത്തിരി സ്വപ്നങ്ങളും
എന്നാണു നമ്മള്‍ പങ്കു വെച്ചത്?
നിനക്കേറ്റ മുറിവിന്റെ
വേദന തിന്നതുംനിന്റെ വാക്കുകള്‍ക്ക് കാതു കൂര്‍പ്പിച്ചതും
പിന്നെയെന്നോ നിന്റെ വായ്ത്താരി
കേട്ട് ഞാന്‍ ക്ഷോഭിച്ചുവഴി മാറി നടന്നതും
ഒടുവിലെന്നോ ഒരു വാക്കും പറയാതെ
ഓര്മ തന്‍ വീഥിയില്‍ഓടിയോളിച്ചതും
ഇന്നായിരുന്നോ?

അല്ലയോ സുഹൃത്തെ...
നമ്മള്‍ വഴി പിരിഞ്ഞതെന്തിനു??????
Monday 2 September 2013 - 6 comments

സ്നേഹം

നല്ലൊരു മനസും സ്നേഹത്തിന്‍റെ അര്‍ത്ഥം ഗ്രഹിക്കുവാനും കഴിയുമെങ്കില്‍ ആ സ്നേഹം യഥാർത്ഥമെങ്കില്‍ സ്നേഹിക്കുന്ന ആരെയും മറക്കില്ല
Sunday 1 September 2013 - 4 comments

അഭിമാനം

സ്വന്തമായി ഉണ്ടാക്കാത്തതിൽ അഭിമാനം കൊള്ളുന്നത്  ലഞ്ജാവഹമാണ് 
നിന്റെ സൌന്ദര്യത്ത്തിൽ നീ പൊങ്ങച്ചം കാണിക്കരുത്.
കാരണം നിന്റെ സൌന്ദ ര്യത്തെ നീയല്ല രൂപപ്പെടുത്തിയത്. 
നിന്റെ കുലമഹിമയിൽ നീ അഹങ്കരിക്കരുത്.
കാരണം അത് നീ തിരഞ്ഞെടുത്തതല്ല.
നിന്റെ സ്വഭാവത്തിൽ നീ അഭിമാനം ഉള്ളവനാവുക.
കാരണം നീയാണതിനെ രൂപപ്പെടുത്തിയത്